Mótanefnd 2020
Jón Valgeirsson
Keppnisreglur í mótum á vegum SKOTREYN
- Mótanefnd fer með aðalframkvæmd móta sem haldin eru af félaginu.
- Dómarar eru þáttakendur sjálfir eða valdir dómarar sem munu halda reglum og stigagjöf réttri.
- Virða skal ákvarðanir dómara. Vafamál má leggja til endurskoðunar hjá dómurum á velli.
- Há byssa er leyfð. (Byssa við öxl)
- Skotmaður ræður hvor dúfan er skotin í double. Nema annað sé fyrir fram ákveðið af mótanefnd.
- Gleymi skotmenn öryggi á skotvopni skal endurtaka, en samt aðeins eitt tækifæri gefið í hverjum hring.
- Stoppi byssa vegna skota eða einhverja bilana skal sýna dómara á palli strax hvað sé að og ekki losa skot fyrr en dómari leyfir.
- Fara skal eftir reglum félagsins um 28gr. hámarks hleðslu
- Ekki skal trufla aðra keppendur með vítaverðum hætti á meðan þeir er í skotstöðu.
- Við alvarleg brot á þessum reglum mun keppandi missa þáttökurétt á því móti sem er í gangi
Í dag, Hvítasunnudag, var Benellimótið haldið á skotsvæði Skotreynar. Benellimótið hefur verið fastur liður í mótahaldi Skotreynar undanfarin ár en í ár var tilefnið þó sérstakt þar sem Benelli er 50 ára á árinu.
Af þessu tilefni lagði Kjartan Ingi Lorange hjá Veiðhúsinu Sökku mikið upp úr því að gera mótið eins skemmtilegt og hægt er og má þar meðal annars nefna auka æfingardaga fyrir mótið og svo nýjar og skemmtilegar þrautir á vellinum sjálfum. Verðlaunin voru heldur ekki af verri endanum þar sem meðal annars voru Benelli úr sem eingöngu voru framleidd í 50 eintökum fyrir fyrsta sæti í A flokkum kvenna og karla.
Eingöngu var keppt með Benelli byssum á mótinu og mótið sjált sett upp eins og veiði þar sem alltaf var leyfilegt að hafa 3 skot í byssunni og nota öll skotin til að ná „bráðinni“.
Keppt var í fleiri flokkum en vanalega en þeir eru eftirfarandi
Karlar A og B flokkur
Konur A og B flokkur
Paraflokkur
Í Paraflokki var keppt í samanlögðum árangri para.
Nýjung var einnig á mótinu en svokallað pool-shoot var aukalega á nýjum hópamóttökuvelli Skotreynar. Þar borguðu keppendur sig inn til þess að skjóta 25 dúfur og mátti skrá sig eins oft og hugurinn girntist. Hluti upphæðarinnar sem borguð var fyrir hringinn rann síðan til sigurvegara í karla og kvennaflokki en það voru þau Stefán Gaukur og Inga sem báru sigur úr býtum þar.
Í heildina var mótið gífurlega vel heppnað og uppsetning mótsins skemmtileg og þakkar mótanefnd Kjartani sem og keppendum fyrir að gera daginn frábæran.
Úrslit eru sem hér segir:
A flokkur Karla
B flokkur Karla
Kvennaflokkar
Paraflokkur
Úrslit Benellimót
Flokkur A Karla |
Flokkur B Karla |
|||||
Sæti |
Nafn |
Stig |
Sæti |
Nafn |
Stig |
|
| 1 | Ragnar Örn | 63 | 1 | Styrmir | 42 | |
| 2 | Gunni Gunn | 57 | 2 | Margeir | 41 | |
| 3 | Bragi Óskars | 54 | 3 | Arnar Þór | 37 | |
| 4 | Einar | 53 | 4 | Sigurbjörn | 31 | |
| 5 | Jón Valgeirs | 52 | 5 | Friðrik S Einarsson | 29 | |
| 6 | Þórir Guðna | 52 | 6 | Björn | 28 | |
| 7 | Gunnar Þór | 51 | 7 | ágúst | 26 | |
| 8 | Arnór | 51 | ||||
| 9 | Gunnar Bjarna | 47 |
Flokkur A Kvenna |
|||
| 10 | Stefán Gaukur | 46 |
Sæti |
Nafn |
Stig |
|
| 11 | Róbert Cabrera | 44 | 1 | Dagný | 41 | |
| 12 | Doddi | 42 | 2 | Þórey Inga | 36 | |
| 13 | Bergur | 42 | 3 | Inga | 35 | |
| 14 | jón gunnar | 37 | ||||
| 15 | Kjartan | 37 |
Flokkur B Kvenna |
|||
| 16 | Gunnar Sigurðsson | 35 |
Sæti |
Nafn |
Stig |
|
| 17 | Kristinn Gísli | 30 | 1 | Eva | 25 | |
| 18 | Þorkell | 22 | 2 | Guðrún | 21 | |
Úrslit Skotreynarmót 21. maí 2017
Sunnudaginn 21. maí 2017 var haldið Skotreynarmót á skotsvæði Skotreynar. Skotnar voru 75 dúfur á þremur völlum. Búið var að bæta við fjórum nýjum kösturum á vellina eins og flestum er kunnugt og gerði það keppnina afar spennandi og krefjandi fyrir vikið. Veðrið var sko ekki af verri endanum og skein sól á keppendur nánast allan daginn. Úrslitin í A-flokki máttu ekki tæpar standa og var “shoot-off” um 1. og 2. sætið milli Gunna Sig og Ragnars Arnar. Eftir spennandi shoot-off stóð Ragnar Örn upp sem sigurvegari í A-flokki. Ánægjulegt var að sjá mörg ný andlit í keppninni sem og kunnuleg.
Mótanefnd þakkar keppendum fyrir góðan dag og vonast til að sjá sem flesta á næsta móti!
Úrslit Vesturrastarmót 2017
Sunnudaginn 30. apríl 2017 var Vesturrastarmótið haldið á skotsvæði Skotreynar með pompi og prakt. Alls skráðu sig 20 keppendur til móts, 12 í A flokk og 8 í B flokk og gaman var að sjá ný andlit. Skotnar voru 75 dúfur á þremur völlum. Veðrið lék við keppendur og sýndi vonandi það sem koma skal í sumar. Nýtt fyrirkomulag var á reglum, þar sem nú mátti skjóta tveimur skotum á stakar leirdúfur og því möguleiki á að hitta í seinna skoti ef ekki hittist það fyrra. Dúfuuppröðun á völlum var með hinu skemmtilegasta móti og úr varð spennandi og skemmtileg keppni. Vesturröst var styrktaraðili og gaf frábæra vinninga fyrir fyrstu þrjú sætin í báðum flokkum ásamt flottum verðlaunapeningum.
Mótanefnd þakkar styrktaraðilum kærlega fyrir og öllum keppendum fyrir þáttökuna og félagsskapinn.
Sjáumst hress á næsta móti!
Verðlaunahafar í A flokki
Verðlaunahafar í B flokki
Úrslit Páskamóts 2017
Laugardaginn 15. apríl var haldið Páskamót Skotreynar. 14 vaskir keppendur mættu til leiks og skotnar voru 75 dúfur í tveimur flokkum, A og B. Veðrið var með hinu betra móti þó að hvasst hefði verið og í verðlaun voru páskaegg. Mótanefnd þakkar öllum keppendum fyrir daginn og hlakkar til næsta móts.
Úrslit Áramóts Skotreynar
Í gær fór fram árlegt Áramót Skotreynar þar sem skyttur mættu og skutu sig inn í nýtt ár með pomp og prakt.
Skotnar voru 50 dúfur og var mótsgjald notað til kaupa á flugeldum fyrir keppendur til styrktar Björgunarsveitanna.
Skotreyn þakkar kærlega fyrir þátttökuna og óskar öllum fleiri brotnar dúfur árið 2017.
