Umgengnisreglur

  1. Byssur skulu hafðar opnar og óhlaðnar þar til viðkomandi skotmaður hefur tekið sér stöðu á skotpalli.
  2. Byssur eiga að vera án óla.
  3. Ef skotmaður vill munda óhlaðna byssu skal hann haga sér sem um hlaðna byssu sé að ræða og fylgja 1 grein.
  4. Hámarks hleðsla skota er 28 gr..
  5. Óheimilt er að hafa fleiri en 3 skot í fjölskota haglabyssu.
  6. Skotmenn skulu ganga snyrtilega um svæðið og henda hylkjum og öðru rusli í ruslatunnur.
  7. Aðeins er heimilt að stunda æfingar á auglýstum æfingartímum eða með samráði við vallarstjóra og aðeins á tilgreindum svæðum. Hafa skal samráð við vaktstjóra áður en æfingar eru hafnar.
  8. Bannað er að láta hunda ganga lausa á svæðinu.
  9. Bannað er að skjóta á fugla eða önnur dýr á svæðinu.
  10. Bannað er að skjóta af rifflum á svæðinu.
  11. Vaktstjóri er einráður á svæðinu á meðan á æfingum stendur.
  12. Framvísa skal félagsskírteini Skotvís eða gildri kvittun fyrir greiðslu gjalda vilji menn skjóta á félagsgjaldi.
  13. Félagið bendir öllum á að hver og einn er ábyrgur fyrir sér og sínum vopnum á svæðinu, eins og alls staðar.
  14. Brot á þessum reglum geta valdið brottrekstri af svæðinu og kæru til lögreglu.